HEMERODROMI

HEMERODROMI

cursorum genus, apud Graecos, C. Nep. in Miltiade, c. 4. Adquorum imitationem Aug. Et quo celerius ac sub manum annuntiari cognoscique posset, quid in pro vincia quaque gereretur, iuvenes primo modicis intervallis, per militares vias, dehinc vebicula, disposuit, apud Suet. in Eo, c. 49. Vide supra in voce Cursores, item insra, ubi de Speculatoribus. Liv. certe Hemerodromos Graecis dici, qui Speculatores Latinis, ait l. 31. c. 24. his similes apud Persas οἱ Α᾿ςτάνδαι seu Α᾿ςκάνδαι, quos ἡμεροδρόμους interpretatur hesych. memorati Plutarch. Alex. c. 29. et de Fortuna Alex. Orat. 2. 18. Vide quoque supra, Astandae. Proprie vero Η῾μεροδρόμος Sol, apud Suid. unde ad homines appellatio transiit: quod vel totum diem cursitantes non fatigarentur; vel quod uno die magnum viae spatium emetirentur, ut Liv. habet l. 1. dec. 4. Δραμοκήρικας eosdem dictos, Hrpocration docet. Vide quoque Polyaen. l. 5. in Eudoc.